منتدى حلاوة بنــــات
شباب /بنات احسلكم سجلوا لا نزعل من بعض خلونا حبايب واذا كنتوا اعضاء معانا
ليش ما سجلتوا الدخول
اتشرف بتسجيلكم و اسفه ع الازعاج
ثانكــــــس
ادارة المنتدي
°ღ° ŋoOoŋα °ღ°



 
الرئيسيةبحـثالأعضاءالتسجيلدخول

شاطر | 
 

 قصائد من ذهب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
miss jojo
عضــــو جديـــــد
عضــــو جديـــــد
avatar

الهوايـــــــــــه : الرســــــــــــم
لا تظهر لكل الاعضاء
كيــــــف مزاجــــــك : دلـــــــــــع
مكان الاقامه : السعودية k.s.a
رسالة sms : هلاَ ومرحباً بكم جميعا ... منورين البروف والمنتدى
الجنس : انثى
عدد المساهمات : 16
نقاط : 26189

مُساهمةموضوع: قصائد من ذهب    الخميس سبتمبر 23, 2010 1:37 am

أتمنى تحبوه الفكرة وهذا أولـ مجموعة قصائد للشاعر المتألقـ

محمد بن الفطيس



،؛، .. ســـولفـــــوا .. ،؛،


سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي



،؛، شــــطـــر حفـــــظتــــــه ،؛،


ماني بمن ياتي ولا يدري به ..
.. شطرٍ حفظته ما أعرف كتابه

شطرٍ يناسبني لمثل الليله ..
.. وآشوفني في ذا المكان أولى به

أبا أتكل بالله ونعمٍ بالله ..
.. اللي ما يوصد دون خلقه بابه

باقول واللجنه تقيم قولي ..
.. ومن كثرة الشعار ماني آبه

الحمد لله واثقٍ من روحي ..
.. وإن كنت ذيب فالرجال ذيابه

ما أقول أنا أشعر واحدٍ في العالم..
.. لكن قصيدي كفو وأنا أدرى به

الشعر جمعنا لو تفرقنا ..
.. حدودنا وظروفنا الغلابة

الله يبيض وجه راعي الفكرة ..
.. عز الله انها تنحسب لحسابه

والله يبيض وجه من يرعاها ..
.. محمد الله يحفظه لأحبابه

محمد ولد زايد عريب المجنى ..
.. ولي عهد الديرة الخلابة

الشعر تاريخ لنا من مبطي ..
.. وإعلامنا يوم السنين نهابه

الشعر بيت والوزن عمدانه ..
.. معناه طنب وقافيته حجابه

الشعر وادٍ فيه صيد واجد ..
.. وكلٍ على الوادي يهج ركابه

والأفكار صيد وكل شاعر قانص ..
.. وكلٍ يدسم شاربه مخلابه

أحد خياله حر .. وأحد وكري ..
.. وأحدٍ خياله كوبجٍ بقطابه

وأنا خيالي كل ما هديته ..
.. حول على الوادي وصاد عقابه

شاركت أمثل ديرتي وربوعي ..
.. وكل يمثل ديرته وأقرابه

والله إلى الله راد والله قاله ..
.. إني لا أسلمها الفخر وكتابه

داري قطر .. وأنا هنا أمثلها ..
.. المجد مطلوبي وأنا طلابه

عهدٍ علي إني لا أشرف داري ..
.. ترك صبي ما يعز ترابه

شوفوا دمي من حبها عنابي ..
.. وحماستي من ضوها شبابه

شاعر خليجي والعروبة بيتي ..
.. والبيت ما ياقف بدون أطنابه

وإن عودت بين القبايل فزعه ..
.. أنا أشهد إني في اللوازم لابه

لي في القبايل ربع .. وأقدرهم ..
.. ماني بمن يجهل مقام أصحابه

وإن عودت لأصلي .. فأنا أصلي مري ..
.. من صلب يام أهد القنا وخضابه

قومٍ لنا فوق المعالي بيرق ..
.. والسيف قوة سلته بنصابه

الشعر طوقني وأنا طوقته ..
.. قمت آتمشى به وأفك أبوابه

يا بنت ياللي تفرقين بعودج ..
.. ما ألومهم لو كثروا الخطابه

لامر بج دربج على خلق الله ..
.. قالوا كذا بالأصبع السبابه

زينج يزينه فعل أبيج وجدج ..
.. وإنتي بدورج للنقى كسابه

قومي تباهي بي .. وفلي راسج ..
.. عليج من ستر الشرف جلبابه

وإن ما سترتج بالفعول وباسمي ..
.. فعقبني الفنجال يا صبابه



،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري



،؛، .. في شاعر المليون .. ،؛،

في شاعر المليون للشعر مضمار ..
.. والسابقة في الشوط تظهر بيدها

امضمرين أبكار الأفكار شعّار ..
.. وكلن يحضّربكرته في وعدها

واللي تردت لا يدور لها أعذار ..
.. معذورة ما دام قد ذا جهدها

واللي تعوص وتضرب الحاجز يسار ..
.. تشلّ ف الدنة وترجع بلدها

وأنا ذلولي بنت صوغان الأشعار ..
.. من حبها عندي تفحم وحدها

إن جاره الله من تصاريف الأقدار ..
.. جاتك وجاك الجيش كله بعدها

الله عليها من مقاريد الأنظار ..
.. وصلت تحست ما غشاها زبدها

وتلقوفها بالعلم رمز وإشعار ..
.. وصفق لها منهو بعينه شهدها

ومن روبها أول ما تنصخ تمطار ..
.. ياللي تزعفرها من الطاس زدها

شبهت بالهجن الأصيلات الأشعار ..
.. وقصيدتي تراث أهلنا مددها

أعتزبه وأقبله إجلال وإكبار ..
.. واحة شرف يا سعد منهو وردها

أغلبنا في موجب الضيف والجار ..
.. يحلب لبنها قبل يذبح ولدها

وتراثنا من دونه نبيع الأعمار ..
.. وبأفعالنا روس المعالي صعدها

واليوم ضاق الجو من كثر الأقمار ..
.. تبث حقد لي لحقده رفدها

غزا الشعر قبل أمس غازين الأفكار ..
.. قومن على الساحة دفعها حقدها

تلفقوا ثم جاؤوا من كل الأقطار ..
.. هذا يصبحها والآخر هجدها

هذا يحرف في الأسف سر وإجهار ..
.. وهذاك يذبح موهبة في مهدها

وقفوا علم للشعر في وقت الأسحار ..
.. غاروا على الساحة وعروا جسدها

وصاحت بعد ما شافت سترها طار ..
.. ووقّف ولد زايد محمد ساعدها

قال أبشري بالستر وبردة الثار ..
.. وأضفى عليها سترها ما نشدها

واستل سيف في المواجيب بتار ..
.. واطلب وردن في العلا من فقدها

على خطى زايد خطاويه ما بار ..
.. والحاجة اللي في خياله وجدها

أغنى العرب من شوف أكاديمي ستار ..
.. ومن شوف أمر من السخافات وأدهى

شفت الشعر بستان وأبوابه أزهار ..
.. وقطفت ما يسقي المشاعر شهدها

قطفتها من ديرة تنبت أحرار ..
.. من دار بو مشعل ذراي وسندها



،؛، .. يـــوم المزايـيـــن .. ،؛،


من لابتي مّره الى جـدي افطيـس ..
.. ربعي مطوّعة الصعـب بالصمايـل

ناموس ياللـي تكسبـون النواميـس ..
.. ياهـل العلـوم الغانمـه والجمايـل

اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل

انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل

يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل

منصا الرجال اللي على ضمّر العيس ..
.. وفالحرب نطّاحة شبـا كـل عايـل

هواجـرٍ لاجـات قدهـي مقاويـس ..
.. ركب الضيوف امن السرا والقوايـل

تنصـا ربـاع امتعّبيـن المحاميـس ..
.. مروين حـد المرهفـات الصقايـل

يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل

وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل

تفوز في يـوم المزايـن وفالريـس ..
.. من كـل منعوتـه تسمـى وحايـل

ولو حصل للبل من النـاس تفليـس ..
.. يكفيكم انك فالعـرب مـن لاوايـل

تلبس من العنّـاب زيـن الملابيـس ..
.. يوم المزاين مـع ارجـال الحمايـل

يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل

ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل

الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل



،؛، .. لا ضاقت الدنيـــا .. ،؛،

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد



،؛،.. الــبـارحـــة ..،؛،

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت



،؛،.. أنا جـــيت كـــلي ..،؛،

ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. غلاك اخذ قلبي وروّضـْه واسرجْه

ولو قلت ياعيني بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

(عطيتني وجهك وانا جيت كلي ..
.. محروم والمحروم ما ينعطا وجْه)



!!
الرجوع الى أعلى الصفحة اذهب الى الأسفل
http://sweet-banat.ahlamontada.com/profile.forum?mode=viewprofil
°ღ° ŋoOoŋα °ღ°
"مديــــر المنتـــدى"
avatar

الهوايـــــــــــه : السبـــــــــــــاحه
المدير العـــــــــــــام
كيــــــف مزاجــــــك : مستانسه
مكان الاقامه : فــــــــي قلـــــــب حبيبي
علـــــم بـــــلادكـ : حيو السعودي حيوه
رسالة sms :

صدقني اشتقت لك وحنيت لو بيدي
رحت لك لحد البيت لا تقول اني خبل أو جنيت لكن
روحي تحبك وبحبك تغنيت وأحس انك وسط قلبي
تربيت شعور بقلبي ولو على حبي تغليت

الجنس : انثى
عدد المساهمات : 126
نقاط : 28815

مُساهمةموضوع: رد: قصائد من ذهب    الخميس سبتمبر 23, 2010 2:57 am

يسلمووو
يا سكره

موضوع حلو وان شاء الله

ليه رجعه

تقبلي مروري

_________________
الرجوع الى أعلى الصفحة اذهب الى الأسفل
http://sweet-banat.ahlamontada.com
جذابه لحد الاذابه
عضــــــو فعــــــــال
عضــــــو فعــــــــال
avatar

الهوايـــــــــــه : السبـــــــــــــاحه
المبـــــــــــــــــدع
كيــــــف مزاجــــــك : احبها
مكان الاقامه : في الجنه ان شاء الله
علـــــم بـــــلادكـ : حيو السعودي حيوه
رسالة sms : النص
الجنس : انثى
عدد المساهمات : 82
نقاط : 26318

مُساهمةموضوع: رد: قصائد من ذهب    الخميس سبتمبر 23, 2010 1:37 pm

قصائد رائعه من ذوق واحساس اروعه

تسلم الايادي

ودي وتقديري

_________________

صديقيتي أنتِ جنة عاجلة ..في الدنيا ..
وجُنة من خوف الدنيا والآخرة ..
وجنان يعرف ماذا أريد وكيف أريد ..



الرجوع الى أعلى الصفحة اذهب الى الأسفل
¤ღ¤Miss ToOofe¤ღ¤
عضــــو نشيــــــط
عضــــو نشيــــــط
avatar

الهوايـــــــــــه : ركـــــــــــــــوب الخيل
المشـــــــــــــرف العـــــــــــــام
كيــــــف مزاجــــــك : حبتيــــــــــــــن
مكان الاقامه : ¤ღ¤حديـــــقة الحـــــــــب¤ღ¤
علـــــم بـــــلادكـ : حيو السعودي حيوه
رسالة sms : ياهلا بالغالي يوم الله جابك ياهلا بالغالي جيت ابوس الغالي ........
الجنس : انثى
عدد المساهمات : 67
نقاط : 28651

مُساهمةموضوع: رد: قصائد من ذهب    الأحد سبتمبر 04, 2011 3:05 am

يسلمووو على الكام الحو

الى الامام

_________________
الرجوع الى أعلى الصفحة اذهب الى الأسفل
 

قصائد من ذهب

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى حلاوة بنــــات :: •.°°.• البوابة الأدبــية •.°°.• :: {.. سُـــلآفْ القـَــصِـيـدْ . . ◦●-
© phpBB | Ahlamontada.com | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونة مجانيا